Ang VIP ( very important Prisoner)

Posted by Belarmino Dabalos Saguing

Rome, Italy 23 June 2014

Ang isang senador na napatanyag dahil sa pangungurakot ng salapi ng bayan na dati nang pumasok sa piitan dahil sa pangungurakot sa hueteng at ngayon ay muling pumasok sa kulungan dahil naman sa pork ay sadyan nakakamuhi sa kanyang inaasal.

Kahit na toto ona siya ay kusang sumuko bago pa man nalagdaan ang kautusan sa pagdakip sa kanya ay talaga naman lumalabis na. Hindi pa sapat na ang kanyang selda ay may sukat na 32 metro kwadrado, may higaang maginhawa at bentelador ay humuhiling pan ng aircon at gusto pa niya ang isang telebisyong may “sky”, may giant screen upang mapanood niya ang kanyang paboritong telenobela samantaslang ang karaniwang mamamayan ay wala nito at di tulad niya ay halos wala nang makain.

Talagang baliktad na ang mundo. Kung ang nasa poser ang magnakaw, tinatawag itong business kahit pa ito ay monkey business at sila ay ikukulong sa espesyal at maginhawang selda. Samantalang kung isang mahirap ang magnakaw upang makakain lang, ito ay isang krimen at ang kriminal ay ilalagay sa kulungan na tututulan kahit ng ng mga hayop, at tiyak na mabubugbog pa.

Sa sip ng salaring ito ay tila utang na loob pa ng mga tao na siya ay ay isang big time na magnanakaw at dapat silang bigyan ng tratasyong bigtime. Ang dapat ay matikman nila ang tunay ng parusa sa isang salarin. 

Ang piitan ay dapat na pook na magtuturo samagnanakaw kung alin ang kanya at alin ang di kanya, isang koreksyonal na magtutuwid sa kamalian ng isang salarin. Hindi dapat ng maging isang lugal ng maluhong hotel ng bakasyon ang piitan kahit pa sa mga senador.

Higit sa lahat, ang preokupasyon sa selda ay umaagaw sa pokus sa isang higit na mahalagang isyu: ang pagnanakaw ng mga mababatas sa kabang bayan.