Sa pananaw ng OFW

Posted by

Belarmino Dabalos Saguing

Rome, Italy  Serpt. 5 2014

Sa pananaw ng OFW

Sa paningin ng mmaraming OFW, ang tinatawag na “Aquinomics” ay isang ssako na puno ng hangin at isang katatawanang masakit para sa bansa.

Para sa mga tagasunod ni BS, ang ipinagyayabang nilang kagilagilalas na pagsulong sa pananalapi ay kaitibayan ng mahusay na pamamahala ng pangulo.

Totoo nga na nagkaroon ng pagsulong ang pananalapi ng bansa, subalit hindi ito narararamdaman ng mga mamamayan dahil tanging ang mga masasalapi lamang ang nadulutan ng positibong epekto dahil sa pananatgili naman ng tatlong negatibong tagapagturol :

1. kakulangan o kawalang ng hanapbuhay na sanhi ng ikalawa,

2. ang pagdarahop sa kabuhayan lalo ng ng mga manggagawa at magsasaka,  

3.  ay ang di pantay ng kinikita ng mga tao

Ang pangunahing dahilan ng migrasyon sa ibayong dagat ng mga Pilipino ay ang kakulangan ng sapat na kinikita sa bansa sanhi ng  unang dalawang dahilan.

Para sa aming mga OFW, dapat nang itigil ng pamahalaan ang paghahambog sa sinasabi nilang “pagsulong” sapagkat ito ay hungkag habang hindi nila nalulunasan ang kawaslan ng hanapbuhay sa bansa.

Hungkag ang pagsulong na ito dahil hindfi ito nasamahan ng paglikha ng trabaho upang malunasan ang pagdarahop. Kahit na baguhin pa nila ang pamantayan sa kung sino ang walang hanap buhay at sino ang mga naghihirap, ito ay artipisyal na panukat at hindi makakabago sa katotohanan na ang kalahati ng mga Pilipino ay naghihirap at mahigit 10% ng mga Pilipino o halos 30% ng lakas paggawa ng Pilipinas ay napipilitang lumuwas sa ibayong dagat upang tumuklas ng ikabubuhay ng pamilya. Hindi kailanman mapagtatakpan ng pagyayabang ng pangulo ang katotohanan a siya ay isang kabiguan para sa mga mamamayan at dapat na siyang lumisan.

Ang tanging lunas sa sapilitang migrasyon ng mga Pilipino ay ang paglikha ng trabahong may makabuluhang kita upang mabuhay ang mga pamilya.